Vinaminnis-þankar hinir síðari

Jæja, tölvan löngu komin úr viðgerð, en hleðslutækið lenti til Keflavíkur og var að koma í hús ásamt bílnum okkar, sem krakkarnir fóru á suður eftir jólin.  Merkilegt  nokk, það var ódýrara að senda börnin á bílnum suður og fá svo bílnum ekið austur aftur en að kaupa flug.

En svona til gamans, þá fékk ég þessa mynd frá Jóa Stefáns.

Þetta eru þeir Kiddi í Dagsbrún sem er á þó nokkrum myndum hér í albúmi, sem Maggi Þorvalds hefur sent mér og Kristmann Jónsson og var myndin tekin þegar verið var að heiðra þá á sjómannadaginn.   Ég er ekki viss um hvaða ár er tekin, en það er ekki búið að steypa dekkið á bryggjuna og takið eftir því að er lítill snjór í fjöllunum.



Kristinn Sigurðsson og Kristmann Jónsson.

Hilsen frá Þóru Björk sem  er komin með sína tölvu.