Vinaminnis-þankar hinir síðari

Ég hef verið að flakka um bloggheiminn svona af og til og þar er víða skrifað eitthvað á þessa leið: þú þarft að dekra meira við þig, eiga tíma með sjálfri þér í dekur, hugsa vel um þig með dekri, láta dekra við þig  og  svo framvegis.  En allt er þetta á kvennasíðum  ég hef aldrei séð svona á karlasíðum.
Um daginn hitti ég mann og þegar við vorum búin að spjalla smá, hafði ég á orði að hann væri búinn að raka síg.
Jú, ég ákvað að dekra smá við mig í morgun! (greinilega búin að lesa nokkrar síðurnar sá).

Hilsen frá Þóru Björk sem ákvað að dekur dagsins yrði við þvottavélina.

Við Björgvin fengum okkur hressingargöngu um daginn, veðrið var mjög fallegt og ekkert svo kalt. 
Þegar við komum inn að Strandarhúsum tókum við beygjuna niður að þeim.  Mig langaði að sjá hvernig veðrið hafi breytt þeim í einni hviðunni.
Inni í húsunum sóð gömul dráttarvél, hún var geymd þar en hún fauk ekki með húsunum.  Vélina átti Gutti í Löndum.
Þessi gamla vél rifjaði upp margar minningarnar, mér þótti þessi vél alltaf svo flott þótt hún væri ekki eins nýtískuleg og dráttarvélin hans Þorgríms í Sætúni  (sú var líka alveg ný.) Sú var líka með sæti á bretti fyrir farþega.
Sérstaklega fannst mér stýrið alltaf svo skondið, svona stöng á hliðinn á henni.
En Gutti var alltaf flottur þegar hann var á henni, með húfuna skakka á höfðinu, og ég skildi aldrei hvernig hún tolldi svona á honum.
En ég ákvað að taka nokkrar myndir af vélinni frá öllum hliðum, en það eru fleiri myndir í albúmi undir  2008, vetrarmyndir.

Í kvöld borðuðum við kl. 20:30 - ástæðan var sú að við vorum að gíra okkur niður eftir föstudaginn langa.   Á morgun borðum við svo á réttum tíma.

En ég var að skoða albúmin mín áðan.  Þar á meðal voru myndir úr fermingaveislunni hennar Bryndísar Þóru .

Bryndís Þóra, prinsessan sjálf. 

Ég er svo góð í myndatökunni, samanber að öll rauðu augun á myndunum mínum.

Svo ákvað ég að láta inn eina mynd af gestum frá Stöðvarfirði, sem ég hef ekki séð, mis-lengi.



Fremst er Halla Kjartans, svo kemur "Gummó" Guðmundur og Rósa Guðný.

Þá er komið páskafrí og til gamans má geta þess að ég setti á vefmyndavélina á Eyjunni og gerði sambanburð á umferðinni hér og niður Laugaveg/Bankastræti.
Þar sem ég sit við gluggann hef ég minna svæði til að hofra á en vefmyndavélinn sýndi en á þessu tímabili sem ég var með hana uppi fóru fleiri bílar eftir Fjarðarbrautinni en eftir Laugaveginum.
Svona getur þetta verið á Íslandi.

En úti er kuldalegt; norðvestan er mér sagt yfir borðið.  Til stendur að fara á Fáskrúðsfjörð og ná  í vagninn sem Jóhanna flutti austur fyrir Axel.

Eigið góðan dag.

Hilsen frá Þóru Björk sem telur bílana á Laugavegi og Fjarðarbraut.